PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

M. Şerif MÜŞTAK

DAGİRKER MEYMÛNİN, KERİN, BERANİN.. AN ŞÊRİN ?

Berya ko ez dest bi nivîsa xwe bikim di xwazim bûyera beşdarne bûna xwe a konferansa neteweyî a li ser bakûrê Kurdistanê di 25-27.02.2005 de li Amsterdam-Holanda bi kûrtayî agahdarîyekê bidim. Roja 25.02.2005 ko ez ber bi cihê civînê ve di çûm, li ser sînorê Elemanya û Holanda di seet 15:20 de me qeza burand.

Heftîyekê ez li nexweşxanê mabûm. Hin kesên ko beşdarî civînê bibûn, ji beşdarbûna mi a civînê hatibûn agahdarkirin. Lê mixabin wan kesa beşdarnebûna me ne pirsî bûn. Ji ber vê bûyera ji derveyî me li serê me derket, ko me nekarî beşdarî Konferansê bibin, em pir xemgînin. Ez hêvîdarin ko ew Konferans ji bo gelê Kurd û Kurdistan bi bê dest pêka serketina serxwebûn û azadîyê.

Ko Leşker û Polîsên Tirko serê kûrê Kurmanca jênekiriban, bi dest xwe ne girtiban û poz ne daban objektîfa ji bo xofa xwe bêxin dilê Kurda û insanîyeta dinê, li gûndê Cinibrê (Yeşîyurt) di şexsîyeta tevayê insanîyetê de pîsî nedaban serok dewlet, serok wezîr û bi hejmara wê wextê 60 milyon insanên Tirkîyê, Niwala Qesaba li Sêrtê, Bîra avê a gûndê Serêbîyê tesîsa mala Aslana li Girka Mihemê Emo(Silopyê), Bîra ber Tabûra leşkerî a gûndê Tilêbel li Cizîra Bota,….. ji laşên kûrê Kurmaca tijî kirîn re YE û EY li hember bêdeng nemaban, Polîsên Ahmet Kaymaz û kûrê wî ê 12 salî Uğur li Qosarê kûştîn îro ceza wergirtîban, Walî û berpirsîyarê Polîsa ê Mêrdîn, destên wa ji kar kişandîba, li bajarê Stembolê polîsên Tirko pîrekên ko dayîka serok dewlet Ahmet Necdet Sezer, serok wezîr Teyîb Erdoğan, wezîrê karê ji derve Abdullah Gül, wezîrê darê edaletê(bi rastî bê edaletî) Cemîl Çîçek, serok erkanê herb Hilmî Özkök, bi rêvebirê Polîsa, tevayên Valîyên bajarên Tirkîyê, serokê karê dîyanetê û bi taybet dayîkên 65 mîlyon insan di meydana Ulus a Stembolê de bi jopan ne werdigerandin nav ling û pîyên xwe, li erdê jî bi potînân dev û dimax li wan ne di çilmisandin.

Bila Serokê dewletê A.Necdet Sezer, serok wezîr T. Erdoğan, wezîrê karê ji derve A. Gül, wezîrê darê edaletê C. Çîçek, erkanê herb H. Özkök, bi rêvebirê polîsa, valîyên bajarên Tirkîyê, serokê karê dîyanetê û bi taybet tevayê berpirsîyarên dewleta dagirker a tirkîye ko 07.03.2005 de dayîk, jin û keçên wa jî li cihê bûyer a lêdana jinan bûna, wê şeref, heysîyet, zanîn, jîrbûn, demoqratbûn, demoqrsî û kargerî a xwe li nav kolanên welatê dagirkirî û metropol a xwe wê baş fêhm bikirna. Komarîtî ev bê, ne heyl û ne qewet bê.

Heger weye ko berpirsîyarîya dewletê ji vî karê xweyê hovane fedî kirîye, bila rojekî tenê dev ji kar berdin, bangî tevayê jinên Kurdistanê û Tirkîyê bikin bibêjin „Em lê borînê ji hewe, zarokên hewe û şirîkê mala hewe di xwazin“ Ko ev bê kirin di bê Tirkîye babetên YE bênê cih, lê nexwe nêzîk ne dûr weke bûyera EY, Tirkîye ji sedî 80 wê bi kevê pêşberî YE jî.

Dewleta dagirker a Tirkîye ji tirsa gelê Kurd Leşker û Polîsên xwe di şibînin heywana. Wexta ko polîsek an leşkerek Kurdekî di kûjê , birîndar dikê an îşkence dikê, wê ji ware gotin Şêrê(Aslan) mi, Beran(Koç)ê mi, wexta ko Polîsek an leşkerek ne xwazê ne heqîyê li insanîyetê bikê, wê jêre gotin „Ker(Eşek), Meymûn, … û Kûçik(Köpek)“ Ya rastî ne Şêr, ne Beran, ne Ker, ne Meymûn….. û ne Kûçik yek ji van ji hev ferq nakin, tev de hemû heywanin û nikarin bi fikirin.

Bê ka di bûyera lêdana jinên li Stembolê de çend berpisîyara û Polîsan hevdo bi heywana şibandine, nîşandane û şîrove kirine? De were vêca bila jîyan di bin rêberîya van kesa de bê meşandin û ji bo insana rêya jîyanê bidin vekirin? Tirko ji tirsa gelê Kurd bi herkesê re di herbê û şerde ye. YE Tirkîye ji bo lêdana pîreka şermezar dikê, başe lê tewanbarkirin ne çareserî a pirsgirêkê ye. Ko „mêrga bi çirav newê zûwakirin pêşî xilasnabin.“ Bingeha pirsgirêka esasî li Tirkîye, Surî û Îranê Kurdin û Kurdistan e. Vê despêka sed sala 21 de divê YE û EY ji bo çareserkirina pirsgirêka gelê kurd û Kurdistan bibin xwedî biryar. Nexwe bi tawanbarkirinê tenê çareserî çênabê.

Di şertên îro de ji bo YE û EY ev ne pir zore ne zehmete. Bi bawerîya mi ev bi sê benda di karê pirsgirêka gelê Kurd kêm xûn rijandin çareser bikê.

1 - YE û EY ji bo pirsgirêka gelê Kurd bi hevre bi kevin dîyaloga û bi Kurda re bighin çareserîyekê.

2 - Dîsa YE û EY tevgerên Kurdistanî teşwîki tifaq û yekîtîyan bikin. Wê wextê pirsgirêka terorîstîyê bi xwe ji nav tevgerên Kurd û cîhanê radibê û tevger sipî dibin.

3 - Ji bo çareserîya pirsgirêka gelê Kurd, YE û EY vekirî bi dagirkerên Kurdistanê re bi kevin dîyaloga û raste rast nîqaşê deynin ser masê. Ev di karê pêşîya proja EY a rojhilata navîn fereh bikê, rê li hemû rengê terorîzmê, paşverotîyê, fanatîzma dînî û dîktatorîyê bigrê. Wê wextê weke mûwê di nav mast de pirsgirêk çine yek yek jê bêne kişandin.

Ma ji alîyê YE û EY ve nayê zanîn ko Tirko ji ber tevgera gelê Kurd û Kurdistan hemû dagirkerên Kurdistanê hînî leyîstokên terorê di kê û kiri ne?

Lê belê tiştên ko di şertên îro de di xwîyin YE û EY ji bo hin berjewendîyên xwe û ji ber hev, hêja ne amade ne ko karibin ji bo pirsgirêka Kurda bên bahev û bi hev re rûnin.

Di destê Kurda de hin firset çêbûne û roj bi roj hin firset derdikevin holê jî. Firsetên ji bo gelê Kurd û tevgerên Kurd derketîn dîrokîne û pir giringin. Divê rûmet jê re bê girtin. Bê navbeyn Kurd li hev bi gerin. Hev bes tehfbidin ba dijmin. Dev ji pirsên kûr û dûr berdin. Li pratîkê vegerin.

Tiştin hene ko mirov bivin û nevin di vê bi mînin di kûrayî a dîrokê de. Wê wextê bi xwe tehfandin çêdibê ko YE û EY ji bo pirsgirêka gelê Kurd zûtir bên ba hev. Lê ne xwe babetên ko îro ji bo Kurda derketîn, wê vale derkevin. Tûjayî a berî çend sala di nav tevgerên Kurd de nema ye.

KONGRA GEL û tevgerên wê yê legal û demokrtîk vê rewşa xwe a îro nikarin bi wextê dirêj bi domînin. Ko KONGRA GEL vê rewşê berdewam bikê, wê domayîka xwe bînê. Ev gotin ne tehdît û ne nekişandin e, gel bi xwe roj bi roj hişyar dibê, li serxwebûn û azadîya xwe birçî û têhn e. Babêtên îro rê li pêşya gel vekirî ye ko gel û rêxistin karibin li hev bi gerin.

Li hesaba kî bê kî newê, qûlîsên sîyasî li rojhilata navîn berî Kurda nayên kirin, qûlîsên sîyaset a rojhilata navîn ketîye ber deryê Kurda. Roj nîne ko li Qesra sipî, Brüksel…..û li Mosqowa, ko navê rojhilata navîn di parlemento a kîjan welatî re derbas dibê, gelê Kurd û Kurdistan tê ber çavên herkesê û Kurd dibin nîqaş.

Ji îro û pêde gelek welat hazirîyên xwe di Iraq de li ser Kurda dikin. Bila tevgerên Kurdistana bakûr bes xwe kore bikin û xwe kore bi bînin. Ji ber ko Tevgera Kurd li bakûrê Kurdistanê newê ser xwe, dagirker ji Kurdistanê bê hêvî namînin. Hêja gelek dayîk wê bên pelixandin dilê wa bi kezeba wa bi şewitê, talan, şer, perîşanî, …. , qîr û girî wê berdewam bê.

Bremen, 11. 03. 2005

M. Şerif MÜŞTAK
Serif.muestak@gmx.de