PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane.

Ligor nexişeyê rojhelata navîn a nû, Kurdistan dibe welatekê serbixwa

Heyamek beriya niha nexişeyak hat belav kirin bi navê nexişeyê rojhelata navîn a nû ku tixûb ( nişan - sînor ) û erdên piraniya welatan têde hatiye guhertin. Li gor wê nexişê Kurdistan dibe welatekê serbixwe ya berfire. Di vî warî de Ralif Pîter pispor li Qesra Sipî ( Koçka Sipî ) ya Emerîka babetek di kovara supayê Emerîka de belav kiriye. Di wê babetê de Ralîf Pîter nexişeya rojhelata navîn a nû têxe ber mijara lêkolînê û pêşniyara dirust kirina hinek welatên nû dike bi armanca çareserkirina arîşeyên tixûb'îyên ( nişan'îyên - sînor'îyên ) wê deverê û dawî anîn bi aloziyan.

Pîter bi dijwarî rexinê li nexişeyê pêşde digire ku li gor boçuna wî hinek welatên Ewropî yên berjewendîxwaz ligor xwestekên xwe danane û buye sedema arîşeya herî mezin, li Efrîqi ya û rojhelata navîn û buye sedema belav buna ne wekheviyê.

Herweha wî berpirsê Emerîkî di raporta xwe de nivîsiye : Tu corên guherînan liser wan tixûban ( nişanê weletan - sînoran ) nikare neteweyên kêmîne yên rojhelata navîn razî bike. Lewra pêwîste ew guherîn bi we away be ku, di nexişeyê rojhelata navîn a nû de hatiye diyar kirin, çûnkî nexişeyê niha ya deverê sitem li gelek girup û neteweyan kiriye û mafên wana bin pêkiriye... Mîna : Kurd û Beluç û Erebên Şîy, zêdebariya li berçav nekirina hinek kêmîneyên olî ... Mîna : Mesîhî û Behayî û Nexişebendî û Îsmayilî.

Pîter Ralif balê dikişîne ser wê yekê ku ne wekheviya herî mezin, nebuna Walate ka ( Dewlete ka )Kurdî ya serbixwe ye û hejimara wan li rojhelata navîn ji akinciyên niha ya Îraqê zêdetire û bi vê yekê jî netewê herî mezin' in di cîhanê de ku bê Walat in ( Dewlet in ), û Kurd li ser demê Geznefunê şûnde hatine tepeser kirin ji aliyê wan dewletên ku welatê wan dagîr kirine.

Ralif Pîter ku pirtukek jî ya nivîsî li ser rewşa Îraqê û wê deverê : Emerîkiyan çewtiyeke mezin kirin li gel herifîna rijîma Seddam dewletek bo Kurdên Başurê Kurdistan ê ne dana û li şûna wê Kurd neçar kirin ku cardin di ava kirina dewleta nû ya Îraqê de beşdar bin. Di wê babeta wî de hatiye nivîsîn ku eger Welat'e ka ( Kişwer' e ka - Dewlet'e ka ) Kurdî bê çêkirin ku Diyar bekir ( Amed ) û Tebirêzê bi xweve bigire, wê demê ji sedî sed Kurd dê dengî bo serbixweyî bidin û dewleta hevpeyman ya herî nêzîk jî bo Emerîka li wê deverê dirust dibe.

Di wê raportê de Ralif Pîter balê dikişîne ser wê yekê jî ku eger Îsrayil bixuwaze bi aşitî jiyan bike ligel ciranên xwe yên Ereb, wê demê pêwîste paşde vekişe û vegere tixûbên ( sînorên ) xwe yên beriya sala 1967' an. Ligor wê nexişeyê nû welatên Kurdistan û Belucistan û Urdin û Lubnan dê sudmen bibin û Îran û Îraq û Îsrayil û Turkiyê, dê ji wan welatan bin ku dê ziyan gehîte wana di nexişeyê nû a rojhelata navîn de.

02. 09. 2006

Fethî Gezneyî

Kurdistan Welatê Kurdaye - Her Bijî Kurd û Kurdistan
http://www.pdk-xoybun.com
http://www.xoybun.com/extra/slide/Unbenannt-2.swf
http://www.pdk-xoybun.com/nuceimages/Newroz_Kurdistan_PDK_Xoybun_x1.jpg
http://www.pdk-xoybun.com/nuceimages/Nexise_Kurdistane_PDK_b.jpg