PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane. - Serokê dewleta Îranê Mihemed Xatemî bi Mesûd Barzanî re rûnişt

TEHRAN, 26 / 09 / 2004 — Mesûd Barzanî li Tehranê bi serokê dewleta Îranê Mihemed Xatemî re rûnişt. Li gor medyaya îranî Xatemî û Barzanî li ser pêwendiyên Bexdayê û Tehranê axaftin. Serokkomarê Îranê got wan di wextê teng de arîkariya wan kiriye û niho jî dixwazin aştî, emniyet û pêşketina sosyal xurt bibe. Mesûd Barzanî jî got dê dewletên herêmê bi hev re bijîn. Kultura wan û dîroka wan ya mişterek îmkanê dide ko ew bi hevra pêş bikevin. Barzanî daxwaza pêşxistina ticareta di navbera herdu welatan de kir.

Bi îhtimleka mezin Mesûd Barzanî dê qesda xatemî ji “we” mîna “we kurdan” fêm bike. Her çenda Xatemî cimleyê xwe temam neke jî Mesûd Barzanî dê temamî fêm bike ko Îran arîkariya kurdan dixwaze.

Yanî Xatemî dibêje “di demên teng de me arîkariya we (kurdan) kir hon jî niho arîkariya me bikin”.

Rejîma Îranê di rewşeka teng de ye. Emerîkî bi taybetî û xerbî bi giştî Îranê bi çêkirina çekên nûkler tawanbar dikin.. Îran mîna dewleteka piştgira terorê têt destnîşan kirin. Emerîka û berpirsyarên Iraqî jî dibêjin Îran destekê dide terora li iraqê. Îran dibêje ew sentralên nûkler bo çêkirina eletrîkê ava dike lê raporên IAEI-yê di derheqê Îranê de ne pozîtîf in. Îran zorê his dike, xwe di devê topê de dibîne û lewra jî ziyareta Mesûd Barzanî bo berpirsyarên Îranê giring e.

KK-Nûçe
http://www.kerkuk-kurdistan.com