PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane. - Hêzên Koreya başûr li Kurdistanê binecih bûn

HEWLÊR, 22 / 09 / 2003 — Grupa pêşiyê ya hêzên Koreya başûr ko ji 2800 eskeran pêk têt li Hewlêrê binecih bûn. Yekîneya hêzên koreyî ya bi navê “Zeytûn” serê meha tebaxê ji Koreyê derketin û piştî 55 rojan li Kurdistanê di 545 konteyneran de mala xwe raxistin. Hêzên Koreya başûr ji bo parastina emn û asayîşa Kurdistanê hatine vê derê lê belê niho pêşmergeyên Kurdistanê wan ji êrişên terorîstan diparêzin.

Yekîneya hêzên koreyî bi temamî ji 3600 kesan pêk têt û 800 kesên mayîn dê heta du mehên dî bêne Kurdistanê.

Koreyiyan digel eskerên xwe ordiyeka ticaran jî rêkirine Kurdistanê û dixwazin kontraktên avakirinê ji hikûmeta Kurdistanê wergirin. Niho 75 bazirganên koreyî ji ber emniyeta xwe dê digel eskeran di bereqeyên wan de bijîn heta ko rewşa Iraqê aramtir dibe.

Serokwezîrê Kurdistanê Nêçîrvan Barzanî duhî li serokwezaretê pêşwazî li berpirsên eskerî yên hêzên koreyî kir û got kurd bi hatina wan kêfxweş in. Nêçîrvan Barzanî di heman demê de spasiya hikûmeta Koreya başûr û bêşwaziya wê ya germ ya ji bo wefda hikûmeta Kurdistanê kir.

KK-Nûçe
http://www.kerkuk-kurdistan.com