PDK-XOYBUN; wiha, di xizmeta, Kurd û Kurdistanê daye : Pirojeya Kurdistana Mezin, Pirojeyên Aborî û Avakirin, Pirojeyên Cand û Huner, Lêkolîna Dîroka Kurdistanê, Perwerdeya Zimanê Kurdî, Perwerdeya Zanîn û Sîyasî, Weşana Malper û TV yên Kurdistane. - Cîgirê walîyê Mûsilê Xusro Goran li Swêdê

» STOCKHOLM, 02 / 09 / 2004 — Raya giştî weha bawer dike ko pirsa Kerkûkê bi her awayî tê minaqeşekirin û di warê pirsa Mûsilê de jî bêdengîyek heye. Lê berpirsîyarên Kurdistanê vê yekê weke şaştêgîhiştinekê didin dîyarkirin. Li gora agahdarîyên ko ji Kurdistanê gîhiştin Kerkûk-Kurdistanê, berpirsîyarên Kurdistanê bi her awayî giringîyê didin pirsa Mûsilê û hewil didin ko ji bo vê pirsê jî asta têgîhiştinê bilind bikin û rêyeke çareserkirinê peyda bikin. Nûnerê Hikûmeta Kurdistanê yê Welatê Bakur Taha Berwarî ragîhand Kerkûk-Kurdistanê ko cîgirê walîyê Mûsilê Xusro Goran bi vê mebestê hatiye Swêdê.

Taha Berwarî dîyar kir ko kurd dê di vî warî de, di demên pêş de xebateke pirhêltir bidomîne. Li gora ragîhandina nûnerê Hikûmeta Kurdistanê taha Berwarî, cîgirê walîyê Mûsilê Xusro Goran hefteya çûyî hatiye Swêdê û niha li Stockholmê ye.

Taha Berwarî herweha got ko Nûnerîya Hikûmeta Kurdistanê ya Welatên Bakur dê ji bo Xusro Goranî semînerekê amade bike. Di wê semînerê de, dê bêtir li ser pirsa Mûsilê bête rawestandin û agahdarîyên berfirehtir bên dayin.

Agahdarîya ji bo semînera cîgirê walîyê Mûsilê Xusro Goranî ji alîyê Nûnerîya Hikûmeta Kurdistanê ya Welatên Bakur ve li kurdên rûniştevanên Swêdê hatiye belavkirin. Li gora vê agahdarîyê, semînera li ser pirsa Mûsilê û rewşa wê ya sîyasî dê di 12.09.2004 an de, saet 15.30-18.30 yî de, li Kista Träff ê bête dayin.

KK-Nûçe
http://www.kerkuk-kurdistan.com/